Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Хуурамч шатахуун хийдэг гэдгээрээ олонд танигдсан “Трафигура монголиа” гэх гадны компани манай улсад хэрхэн нэвчиж хөлжиж байгаа талаарх мэдээллийг цувралаар хүргэж байгаа билээ. Энэ удаа “Трафигура” нь Салхитын мөнгөний ордтой хэрхэн холбогдсон талаарх мэдээллийг хүргэж байна.
Уг хэрэг Ерөнхийлөгч асан Х.Баттулга, УИХ-ын дарга Г.Занданшатар нарын хоршлоор, 2020 оны сонгуульт жил ахмадын тэтгэврийн зээлийг тэглэх, зээлгүй ахмадуудад 1 сая төгрөг олгох зориулалтаар нийт 911 тэрбумыг "Салхит"-д түшиглэн босгож ирсэнээр эхлэнээ.
Арилжааны явцад "Салхит"-д түшиглэн бонд босгох ажилд үнэт цаасны төлөлтийг банкнуудад төлөх зорилгоор 50 сая ам.долларын оффтейк гэрээг "Трафигура" буюу Э.Жонобаяртай байгуулсанаар анхаарал татаж эхэлнэ. Уг хэлцлийг Баянхонгор аймагт иргэдийг нэгдсэн сүлжээнд оруулах байдлаар гар аргаар алт олборлуулан, тодорхой хувь авах байдлаар мөнгөжсөн түүхтэй. Үүнийг одоогын УИХ-ын гишүүн Х.Баттулгын гар хөл гэх Т.Мөнхбаяр ахалж, Трафигура монголиа буюу Э.Жонобаяр нар тус гэрээг үзэглэсэн гэсэн үг.
Хувийн бизнесийнх нь мөнгөн эх үүсвэрүүд нь анхаарал татсаар ирсэн эл хоёр жигтэй эрхмийн байгуулсан оффтейк гэрээний хүрээнд "Салхит"-ын мөнгөний орд баяжмалаа нэгэн үе Трафигурагийн өрөнд ачуулж байсан гэдэг.Харамсалтай нь ТӨРД ШИЛЖСЭН гэж олон нийтийн ойлгож байгаа нөгөө “Салхит”-ын мөнгөний орд нь эдүгээ олон улсын сүлжээ бизнес “Трафигура”-д бүх мөнгөний баяжмалаа нийлүүлдэг болчихсон явдал юм. “Трафигура” нь 2020 оны 12 дугаар сараас өнөөг хүртэл Ерөнхийлөгч асан Х.Баттулгын хүн гэгдэх Т.Мөнхбаярын эзэмшлийн “Эрдэнэс Силвер Ресурс” ХХК руу “БАЯЖМАЛЫН УРЬДЧИЛГАА” гэх гүйлгээний утгаар нийт 6 удаагийн гүйлгээгээр 149,4 тэрбум төгрөгийн шилжүүлэг хийгдсэн байгаа юм. Голлох дүнгүүд нь 71,2 тэрбумаар 2021 оны 1-4-р сарын хооронд 2 удаагийн гүйлгээгээр шилжсэн байгаа юм. Мөн 2022 онд Т.Мөнхбаяр нь Чалкогийн өрийн загварыг "Салхит"-д үүсгэж, "Трафигура" баяжмалыг нь ҮНЭГҮЙ ачиж байна" гэх мэдээлэл гарсанаар цааш үргэлжилнээ.
