Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Гадаад харилцааны сайд Б.Батцэцэг тодрууллага мэдээлэл өглөө.
-Монгол Улсад хууль бусаар ажиллаж байгаа гадаадын иргэдийг албан гаргах ажил явагдаж байна. Энэ талаар дэлгэрэнгүй мэдээлэл өгөөч?
-Үүнийг Гадаадын иргэн харьяатын газар буюу Хууль зүй дотоод хэргийн яамны харьяа агентлаг хариуцдаг. Аливаа улс өөрийнхөө мөрдөж байгаа хууль дүрмийн хүрээнд хууль бусаар амьдарч байгаа, хууль бусаар хөдөлмөр эрхлэхийг зөвшөөрөхгүй тохиолдолд хилээр албадан гаргадаг. Түүнийхээ дагуу явагдаж байгаа ажил гэж бодож байна. Тийм олон хүн гаргасан гэсэн мэдээлэл би аваагүй.
-Солонгост хар тамхи хэрэглэсэн монгол оюутан хоригдож байгаа гэсэн мэдээлэл байна?
-Тэр өнгөрсөн жил болсон хэрэг байна лээ. Солонгосын хуулиараа хувь хүн өөрөө зөвшөөрөөгүй тохиолдолд мэдээллийг нь бидэнд өгдөггүй. Хувь хүн өөрөө зөвшөөрсөн тохиолдолд албан ёсоор БНСУ-ын ГХЯ-наас манай консулын газарт мэдээлэл өгдөг. Солонгосын хэвлэл мэдээллийн хэрэгслээр гарсан мэдээллийг бид авсан. Тодруулж байгаа. Өөрсдөө зөвшөөрөх юм бол манай консулын газар, элчин сайдын яамныхан очиж уулзаад, цаашдын эрх зүйн байдал дээр дэмжлэг туслалцаа үзүүлэх чиглэлээр ажиллана. Хоёр оюутны хувьд ял авсан байна лээ. БНХАУ болон Солонгост 30 гаруй залуучууд, оюутнууд дандаа хар тамхины хэргээр ял эдэлж байна. Гэнэн байдлаасаа, болгоомжгүй байдлаасаа, богино хугацаанд хялбар аргаар мөнгө олох бизнест хууртсанаас ихэвчлэн залуу хүмүүс энэ төрлийн гэмт хэрэгт холбогдож байгаа нь харамсалтай байна.
-Малайзын засгийн газраас иргэн С.Шаарийбууд нөхөн төлбөр олгогдох шийдвэр гарсан. Гэвч энэ нь олгогдохгүй байгаа талаар танд мэдээлэл бий юу?
-Энэ олгогдохгүй байгаа биш. Тодорхой хувь нь С.Шаарийбуу гуайн өмгөөлөгчийн дансанд орсон байгаа. Тавдугаар сард хамгийн сүүлчийн шатны давж заалдах шүүх хурал нь болно. Энэ хуралд бэлдэж байгаа. Бүх мэдээллээ бид Шаарийбуу гуайтай хуваалцдаг. Тайландад суугаа элчин хавсран ажилладаг. Өнгөрсөн хугацаанд Шаарийбуу гуайтай холбоотой албан ёсоор ирсэн мэдээллийг өгөөд Шаарийбуу гуай манай яамтай маш нягт хамтран ажилладаг. Хэвлэлээр гарсан мэдээлэл бол ор тас худлаа. Манай улс манай улс төрчидтэй холбоотой мэдээллийг Батцэцэг сайд 10 сар дарсан гэх мэдээлэл гарсан. Үүнийг хаанаас гарсныг би мэдэхгүй. Энэ бол гүтгэлэг. Огт тийм зүйл байхгүй. Өөрөөр хэлбэл, төрийн байгууллагад ирсэн ямарваа нэгэн албан мэдээллийг нууж дарах эрх байхгүй. Тийм ёс суртахуун ухамсар ч байх ёсгүй. Албан ёсоор манай яаманд хэн нэгнийг буруутгасан мэдээлэл ирсэн зүйл байхгүй.
