Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
“Тэнүүн-Огоо” ХХК-ийн Гүйцэтгэх захирал А.Ганхуяг, Түгжрэлийг бууруулах үндэсний хорооны дарга асан Ж.Сүхбаатар, Нийтийн тээврийн газрын дарга асан С.Жавхлантбаатар нарын 24 хүнд холбогдох “Ногоон автобус”-ны гэх хэргийн шүүх хурал өнөөдөр 17 дахь өдрөө үргэлжилж байна.
Өнөөдрийн хуралдаанаар улсын яллагч нотлох баримтыг шинжлэн судалж, шүүгдэгчдээс асуулт асууж, хариулт авч байна.
Он дамнан хойшилсоор ирсэн тус шүүх хурал Баянзүрх, Чингэлтэй, Сүхбаатар дүүргийн эрүүгийн хэргийн анхан шатны шүүхэд болж байгаа юм.
Нэг бүр нь 339 сая 646 мянга 535 төгрөгийн үнэтэй BS 106 гэсэн автобусыг шаардлага хангасан эсэхийг шалгаж, төрийг төлөөлж автобус худалдан авах уу, авахгүй юу гэдгийг шийдэх нь Нийслэлийн алба хаагчдын мэдэл байсан юм.
Гэвч хөдөлгүүрийн зөрүүтэй, техникийн шаардлага хангаагүй автобусыг төрийн мөнгөөр худалдан авч, акт үйлдсэн байдаг. Ж.Сүхбаатар, С.Жавхлантбаатар нараас гадна ажлын хэсгийн гишүүд анхаарал татдаг. Тэд шүүх дээр өгч буй мэдүүлэгтээ “Бид юун дээр гарын үсэг зурж байгаагаа огт мэдээгүй” гэж дурдсан нь олны анхааралыг татсан.
Мөн энэ долоо хоногийн хуралдаанаар улсын яллагчийн танилцуулсан мэдээлэлд “Тэнүүн огоо” ХХК-д давуу эрх олгож тендерт шалгаруулсан нь ил болоод байна.
- АТГ-аас 2024 оны нэгдүгээр сарын 9-нд прокурорт шилжүүлсэн
- Прокуророос хэргийг 2024 оны гуравдугаар сарын 11-нд шүүхэд шилжүүлсэн.
- Урьдчилсан хэлэлцүүлгийг 2024 оны дөрөвдүгээр сарын 24-нд товлосон.
- Урьдчилсан хэлэлцүүлэг 2024 оны тавдугаар сарын 20-ныг хүртэл хойшилсон.
- Урьдчилсан хэлэлцүүлэг 2024 оны зургадугаар сарын 17-ныг хүртэл хойшилсон.
- Урьдчилсан хэлэлцүүлэг 2024 оны долдугаар сарын 4-нийг хүртэл хойшилсон.
- Шүүх хурлыг 2024 оны долдугаар сарын 29-нд товлов.
- Шүүх хурал 2024 оны наймдугаар сарын 12-ныг хүртэл хойшилсон.
- Шүүх хурал 2024 оны аравдугаар сарын 21-нийг хүртэл хойшилсон.
- Шүүх хурал 2024 оны арваннэгдүгээр сарын 6-ныг хүртэл хойшилсон.
- Шүүх хурал 2024 оны арванхоёрдугаар сарын 4-нийг хүртэл хойшилсон.
- Шүүх хурал 2024 оны арванхоёрдугаар сарын 9-нийг хүртэл хойшилсон.
- Шүүх хурал 2024 оны арванхоёрдугаар сарын 16-ныг хүртэл хойшилсон.
- Шүүх хурал 2025 оны нэгдүгээр сарын 20-ныг хүртэл хойшилсон.
- Шүүх хурал 2025 оны хоёрдугаар сарын 24-нийг хүртэл хойшилсон.
