Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Улаанбурхан өвчний тохиолдлын тоо нэмэгдсээр өчигдрийн байдлаар 93 хүүхэд халдвар авсан нь лабороторийн шинжилгээгээр батлагдсан. Өмнөх өдрийн мэдээллээр нийт 85 хүүхэд өвчилсөн бол нэг хоногт найман тохиолдлоор нэмэгджээ.
Улаанбурхан нь богино хугацаанд халдварладаг ч вакцинаар сэргийлэх боломжтой юм. Товлолын дагуу хүүхдийг есөн сартай болон хоёр настайд нь уг дархлаажуулалтад хамруулдаг. Вакцинд хамрагдалт 95 хувьтай байгаа ч нэг, хоёрдугаар тунгийн хоцрогдолтой хүүхэд олон байгааг ХӨСҮТ-ийн Дархлаажуулалтын албаны дарга О.Дашпагма хэлэв. Өөрөөр хэлбэл уг дархлаажуулалтад хамрагдах ёстой хүүхдүүдийн таван хувь нь вакцинд огт хамрагдаагүй, тун дутуу тохиолдол цөөнгүй байна. Иймд дархлаажуулалтыг харьяалал харгалзахгүй, өрх, сумын Эрүүл мэндийн төвүүдэд хийж байна.
