Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Пүрэв гарагт /2025.03.27/ Европын удирдагчид Парис хотноо Украины дайны асуудлаар чуулжээ. Тэгвэл Украины Европын холбоотнууд ОХУ-д тавьсан хориг хэмжээг цуцлах цаг болоогүй гэдгийг онцолсон байна. Зарим нэгэн олон улсын хоригийг цуцалсан тохиолдолд л АНУ-ын санаачилсан Хар тэнгист гал зогсоох тохиролцоог хэрэгжүүлнэ гэж Москва мэдэгдсэн байгаа.
Их Британи, Франц, Германы удирдагчид тэрхүү дээд хэмжээний уулзалтын үеэр Европ ОХУ-ын эсрэг авсан хориг арга хэмжээг цуцлахгүй гэдгээ мэдэгдсэн юм. Энэ нь АНУ-ын Ерөнхийлөгч Доналд Трампт өгсөн мессеж байв. Вашингтон Кремлийн шаардлагыг авч үзэж байгаа хэмээсэн юм.
Уулзалтын үеэр Киевийн хамгаалалтыг хэрхэн чангатгах, ОХУ-тай энхийн хэлэлцээ хийсэн тохиолдолд Европ ямар үүрэг гүйцэтгэх талаар удирдагчид санал нийлж чадаагүй байна. Гэхдээ тэд ОХУ-д тавьсан хоригийг цуцлах цаг болоогүй гэдэг дээр нэгджээ. Их Британийн Ерөнхий сайд Кейр Стармер “Одоо хориг хэмжээг цуцлах цаг болоогүй нь тодорхойгүй байна. Харин эсрэгээрээ бидний ярилцсан зүйл нь АНУ-ын санаачилгыг дэмжихийн тулд хориг арга хэмжээг хэрхэн нэмэгдүүлж, манай бүлгийн орнуудаас шахалт үзүүлж ОХУ-ыг хэлэлцээний ширээний ард суулгах байсан” гэсэн юм.
Эх сурвалж: CNN
