Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Менингоккокт халдвар болон улаанбурхан өвчний нөхцөл байдлын талаар ХӨСҮТ-өөс мэдээлэл хийлээ.
ХӨСҮТ-ийн ерөнхий захирал Э.Анхбаяр “Он гарснаас хойш менингоккокт халдварын дөрвөн тохиолдол батлагдсан. Лхагва гарагт Архангай аймгийн Цэнхэр суманд сэжигтэй тохиолдол бүртгэгдэж 5 настай эрэгтэй хүүхэд биеийн байдал хүнд аймгийн нэгдсэн эмнэлэгт хүргэгдэж эмчилгээ авч байгаад эндсэн. Шинжилгээг ХӨСҮТ өчигдөр үүрээр баталгаажуулсан. Халдварт өвчин судлал үндэсний төв Архангай аймгийн нэгдсэн эмнэлэг болон Эх хүүхдийн эрүүл мэндийн үндэсний төвийн эмч мэргэжилтнүүдийн хамтарсан баг газар дээр нь очиж ажилласан ч тухайн хүүхдийн биеийн байдал маш хүнд байсан учраас харамсалтайгаар нас барлаа. Хүүхдэд тууралт гарахаас өмнө халуурсан, ханиалгасан шинж тэмдэг гарвал цаг алдалгүй эмнэлэгт үзүүлэх хэрэгтэй. Менингококкт халдварын үед огцом өндөр хэмээр халуурах бөгөөд тууралт гарах нь хүндэрснийг илтгэнэ. Халуурах, толгой өвдөх, гэрэлд мэдрэг болох, бөөлжих, хоолонд дургүй болох зэрэг шинж тэмдэг илэрвэл яаралтай эмнэлгийн байгууллагад хандах хэрэгтэй” гэв.
Харин улаанбурхан өвчин нийт батлагдсан 114 тохиолдол байна. Үүнээс 32 тохиолдол эдгэжээ. Сүүлийн 24 цагийн байдлаар 10-14 насны хүүхдүүдийн вакцины өгүүлэмжийг судлахад вакцинд хамрагдаагүй, нэг тунд хамрагдсан байдалтай байгаа юм байна. Улаанбурхан өвчин 22 тохиолдол ирцийн тандалт, дархлаажуулалтад хамрагдвал өвчнөөс бүрэн сэргийлэх боломжтойг санууллаа.
