Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
АНУ-ын Ерөнхийлөгч Дональд Трамп металлын импортын татварыг ногдуулах магадлалтай гэж үзэж байгаатай тавдугаар сард нийлүүлэх зэсийн үнэ Нью-Йоркийн COMEX бирж дээр фунт нь 5.2255 ам.доллар (тонн нь 11,520 ам.доллар) болж, 2024 оны тавдугаар сарын 20-нд тогтоосон дээд ханшаа давлаа.
Энэ жил эхний сарын гэрээ 29 орчим хувиар өссөн нь АНУ-ын үнэ болон Лондоны металлын бирж (LME) дээр тогтоосон дэлхийн жишиг үзүүлэлтийн хооронд урьд өмнө байгаагүй зөрүү үүсгэсэн байна. Өнгөрсөн сард Трамп АНУ-ын Худалдааны яаманд үндэсний аюулгүй байдлын үүднээс зэсийн татвар ногдуулах боломжтой эсэхийг шалгах тушаал өгсөн. Түүнээс хойш Нью-Йорк, Лондоны зэсийн үнийн зөрүү ихсэж, худалдаачдыг аливаа татвараас өмнө зэсээ АНУ руу шилжүүлэхэд түлхэц болсон.
“Goldman Sachs” болон “Citigroup” хоёулаа АНУ оны эцэс гэхэд зэсийн импортод 25 хувийн татвар ногдуулна гэж найдаж байна. “Mercuria”-ийн металлын арилжаа хариуцсан дарга Костас Бинтас хэлэхдээ, ойролцоогоор 500,000 тонн зэсийг АНУ руу чиглүүлж байгаа нь дэлхийн бусад зах зээлд нийлүүлэлтийг чангаруулж байна гэжээ. Тэрбээр “Bloomberg”-т хэлэхдээ, хомсдол улам гүнзгийрэх тусам зэсийн үнэ тонн тутамдаа 12,000 доллараас дээш өсөж магадгүй хэмээсэн байна.
Гэхдээ Шанхай дахь биржийн зэсийн үнэ есдүгээр сарын гэрээнээс 0,75 хувиар л өссөн байна. Гуравдугаар сард Хятадын цэвэршүүлсэн зэсийн экспорт нэмэгдэж, зэсийн баяжмалын нийлүүлэлт хязгаарлагдмал байгаагаас хайлуулах үйлдвэрийн засвар үйлчилгээ зэрэг нь үнийн динамик байдалд нөлөөлсөн гэж өөр хоёр худалдаачин тэмдэглэжээ.
2024 оны эхний хоёр сард Хятадын цэвэршүүлсэн зэсийн экспорт өмнөх оны мөн үеэс 119 хувиар өссөнийг гаалийн мэдээллээр харууллаа. Өөр нэг худалдаачин "Үнийн нөлөөгөөр их хэмжээний зэс АНУ руу урсаж, импортыг бууруулахад хүргэсэн. Хятад оны эхний хоёр сард илүү их ачаа тээвэрлэсэн бол овоолгын хэмжээ буурсаар байна" гэжээ.
Эх сурвалж: Mining.com
