Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
АНУ-ын ерөнхийлөгч Д.Трамп өчигдөр /2025.04.02/ “Эдийн засгийн тусгаар тогтнолын тунхаглал” хэмээх худалдааны шинэ бодлогоо зарлаж, БНХАУ-аас импортолж буй бараа бүтээгдэхүүнд нэмэлт 34 хувийн тариф ногдуулснаа зарласан. Энэ нь өмнө нь ногдуулсан 20 хувийн тарифтай нийлээд нийт 54 хувийн тариф болж байна.
БНХАУ-ын Худалдааны яам энэ үйлдлийг “нэг талын дээрэнгүй үйлдэл” хэмээн буруушааж, хариуд нь хатуу арга хэмжээ авахаа мэдэгдсэн байна.
Тус яамны мэдэгдэлд “Худалдааны дайнд ялагч гэж үгүй, хамгаалалтад суурилсан арга хэмжээ нь гарц биш” гэж онцолжээ.
Эдийн засгийн шинжээчид энэ үйлдэл нь дэлхийн эдийн засагт сөрөг нөлөө үзүүлж, олон улсын зах зээлд савлагаа үүсгэж болзошгүйг анхааруулж байна. Олон улсын хамтын нийгэмлэг АНУ-ын энэ үйлдлийг шүүмжилж, Европын Холбоо, Канад зэрэг улсууд ч хариу арга хэмжээ авахаа мэдэгдээд байна. Энэ нөхцөл байдал нь дэлхийн худалдааны тогтолцоонд ноцтой өөрчлөлт авчрах магадлалтай тул олон улсын анхаарлын төвд байна.
Эх сурвалж: Reuter
