Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Эрдэмтэд генетикийн инженерчлэлийн аргаар чонын гурван бэлтрэгийг өөрчилж, устаж үгүй болсон чонын төрөлтэй гадаад төрхөөрөө адил байж магадгүй болгожээ. Инженерчлэлийг хийсэн “Colossal Biosciences” компани даваа гарагт /2025.04.07/ мэдэгдсэнээр чононуудыг АНУ-д нууц байршилд өсгөж байгаа гэсэн юм.
Гурваас зургаан сар хүртэлх настай тэр гурван бэлтрэг урт цагаан үс, булчинлаг эрүүтэй аж. Тэд ойролцоогоор 36 орчим жинтэй, нас бие гүйцэхдээ 63 орчим кг жинтэй болох төлөвтэй гэж “Colossal Biosciences” компанийн судлаачид мэдэгджээ. Гадаад төрхтэй нь ижил болгосон байж магадгүй гэх устаж үгүй болсон чоно нь 10 мянган жилийн өмнө устаж үгүй болсон Аэносёон дирус (Dire wolf, орчуулбал аймшигт чоно) юм.
Генетикийн инженерчлэлийн ажилтай холбоогүй эрдэмтэд энэ нь аймшигт чоно Хойд Америкийн газар нутагт удахгүй эргэн ирнэ гэсэн үг биш гэжээ. Буффалогийн их сургуулийн биологич Винсент Линч “Одоогийн байдлаар эрдэмтдийн хийж чадах зүйл бол ямар нэгэн амьтныг гадаад үзэмжээр нь өнгөцхөн адилхан мэт болгох” хэмээсэн байна.
Эх сурвалж: Associated Press
