Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Зөвхөн цусны шинжилгээгээр 40 мянга орчим хос ховор тохиолддог генетикийн эмгэгтэй хүүхэдтэй болох эрсдэлтэй эсэхээ үнэ төлбөргүй мэдэх боломжтой болжээ.
Сайн дурын туршилтын хөтөлбөр Сингапурт хэрэгжиж байгаа бөгөөд 2027 он хүртэл КК Эмэгтэйчүүд, Хүүхдийн Эмнэлэгт хамрагдах боломжтой юм байна. Темасек сангаас 11 сая ам.доллароор санхүүжүүлж буй эцэг эхийн генетикийн өвчний тээгч тест нь Ази хүмүүст хамааралтай 80 рецессив генетикийн эмгэгийг тодорхойлох боломжтой юм байна. Эдгээр нь амьдралын хугацааг богиносгож, оюуны болон бие махбодийн хүнд хэлбэрийн хөгжлийн бэрхшээлтэй болох эмгэгүүд аж. Ийм эмгэгийн нэг нь нугасны булчингийн хатингаршил бөгөөд булчин суларч, саажилт үүсдэг. 2023 оны байдлаар Сингапурт 50 орчим хүн энэ өвчнөөр өвчилсөн бөгөөд нэг өвчтөнд ногдох эмчилгээний зардал жилд 800 мянган ам.долларт хүрдэг байна. Урьдчилан сэргийлэх үзлэгийг жирэмсний өмнө эсвэл жирэмсний үед хийж болох аж. Үзлэгт хамрагдахын тулд эцэг эхийн нэг нь Сингапурын иргэн эсвэл байнгын оршин суугч байх шаардлагатай байна. Одоогийн байдлаар талассеми гэх мэт өвчнөөр өвчилсөн хүмүүс хэвийн гемоглобин үүсгэж чадахгүй, сар бүр цус сэлбэх шаардлагатай байдаг өвчнийг илрүүлэх шинжилгээг хийж байна.
Сингапурт жил бүр төрсөн 100 хүүхэд тутмын гурав нь ховор тохиолддог эмгэг, ургийн гажигтай байдаг гэж KKH болон SingHealth Duke-NUS Эх, хүүхдийн эрүүл мэндийн судалгааны хүрээлэнгээс мэдэгдэв. Ихэнх тохиолдолд эмгэг төрүүлэгч рецессив гентэй эцэг эхчүүд өөрсдийгөө ийм удамшлын шинж чанартай гэдгээ мэддэггүй тул шинж тэмдэггүй байдаг.
