Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Найз охиноо 13 цагийн турш зодож, хүчирхийлэхдээ хар тамхи хэрэглэсэн нь тогтоогджээ.
Хэргийг эргэн сануулахад цахим орчинд нэгэн эмэгтэй найз залуудаа хэрцгийгээр зодуулж, хүчирхийлүүлэн байнгын дарамтанд байдаг байсан тухайгаа нийтэлсэнээр уг хэрэг ил болж 2024 оны аравдугаар сарын 28-ны өдөр "Манай дүүг найз залуу нь зодсон байна" гэх дуудлага мэдээллийг цагдаагийн байгууллагад ирүүлсэн байдаг. Дуудлага мэдээллийн дагуу нутаг дэвсгэр хариуцсан цагдаагийн байгууллагаас хойшлуулашгүй ажиллагааг явуулж, холбогдогч Ж гэгчийг Сүхбаатар дүүргийн нутаг дэвсгэрээс баривчлан иргэн Э-н биед халдсан, амь насанд заналхийлсэн зэрэг үйлдлүүдэд Эрүүгийн хэрэг үүсгэж, иргэн Ж-д 2024 оны аравдугаар сарын 30-ны өдөр цагдан хорих таслан сэргийлэх арга хэмжээ авч мөрдөн шалгах ажиллагааг үргэлжлүүлж байсан билээ. Улмаар хүний эрүүл мэндэд санаатайгаар хохирол учруулсан, хүч хэрэглэн бэлгийн халдашгүй байдалд нь хохирол учруулсан хэмээн Баянзүрх дүүргийн цагдаагийн хэлтэст шалгагдаж эхэлсэн. Гэтэл хүчирхийлсэн, хүний эрүүл мэндэд хохирол учруулах үедээ хар тамхи хэрэглэсэн болохыг Баянзүрх дүүргийн цагдаагийн газар илрүүлсэн байна. Улмаар тухайн хэргийн мөрдлөг ЦЕГ-ын Хар тамхитай тэмцэх газарт үргэлжилж байгаа аж.
