Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Дональд Трамп дөрөвдүгээр сарын 2-ныг "Чөлөөлөх өдөр” хэмээн тодотгож АНУ-ын бараа бүтээгдэхүүнд импортын татвар ногдуулдаг бүх улс оронд харилцан татвар ногдуулж, дээр нь нэмэгдсэн өртгийн албан татвар авах нөхцөл танилцуулна гэдгээ мэдэгдсэн. Вашигтоны цагаар 15 цагт танилцуулах татварыг дэлхий даяар Засгийн газрууд болон хөрөнгө оруулагчид хүлээж байна. Өнөөдөр зарлах хариу татвар нь худалдааны алдагдал хамгийн ихтэй 10-15 улс бус бүх орныг хамарна гэдгийг Трамп хэлсэн. Үүний өмнө АНУ импортын автомашинуудад 25 хувийн гаалийн татвар ногдуулсан нь дөрөвдүгээр сарын 3-наас хэрэгжиж эхэлнэ.
Тэгвэл АНУ-аас зарлах шинэ татварын хариуд Европын Холбоо хариу арга хэмжээний хэд хэдэн хувилбар боловсруулж буй. “Шаардлага гарвал хариу өгөх шийдэмгий төлөвлөгөө бидэнд байна. Түүнийгээ ч ашиглах болно” гэж Европын Комиссын Ерөнхийлөгч Урсула фон дер Ляйен мэдэгдлээ.
Хөрөнгө оруулагчид шинэ татварыг угтан аюулгүй хөрөнгө оруулалт эрэлхийлснээр АНУ-ын хувьцааны фьючерс унаж, алтны үнэ дахин дээд түвшинд хүрч, АНУ-ын Засгийн газрын бондуудын ханш өсөж байна.
