Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Ерөнхий сайд Л.Оюун-Эрдэнэ АТГ-ын дарга З.Дашдавааг улираан томилох саналаа танилцуулсан. Харин тус асуудлын талаар УИХ-ын гишүүн Ч.Ундрамын байр суурийг тодрууллаа.
Ч.Ундрам УИХ-ын гишүүн: Та муу ажилласан байна гээд 100 онооноос 30 оноо тавьчихсан. Дэлхийн улс орнуудын 121-т явж байна гээд дүн тавигдчихсан байхад энэ хүнийг дахиж улираан зургаан жил ажиллуулна гэдэг буруу гэж бодож байна. Үүнээс гадна засгийн гадрын 5Ш ажиллагаа явж байгаа.
Жишээ нь, Шувуу ажиллагааны хүрээнд хэдэн хүн эргэж ирсэн, авилгалчид авлигын гэмт хэргээ үйлдээд гадаад руу зугтаад алга болчихдог. Тэр хүмүүсээс авчирч чадахгүй байна. Энэ ажлуудаа сайн хийж чадахгүй байхад улираан томилно гээд байгааг би огт ойлгохгүй байна. Үүний эсрэг байр суурьтай байна.
Ерөнхий сайд бүрэн эрхийнхээ хүрээнд энэ хүнийг нэг удаа улираан сонгоё гэдэг саналыг оруулж ирж байна. Бүрэн эрхийнхээ хүрээнд санал оруулж ирж байгааг хүндэтгэж байгаа хэдий ч ард түмэн энэ хүнд дүнгээ тавьчихсан байхад бид дэмжих ёсгүй гэж бодож байна.
Ногоон автобусны хэрэг зэргийг ард түмэн, сэтгүүлч нар л илрүүлсэн. Түүнээс АТГ газар гүйж очоод илрүүлээгүй. Ерөөсөө шийдэгдээгүй, хойшилдог, 2-3 жил болсон БЗС-ийн асуудал хэдэн жил болсон гэдгийг та бүхэн мэдэж байгаа.
БЗС-аас бүх мэдээллийг нь аваад, одоо хүртэл ажил болоогүй байна.
