Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Нийслэлийн ерөнхий боловсролын сургуулийн нэгдүгээр ангид элсэн суралцах сурагчдын бүртгэлийг энэ сарын 30 хүртэл сунгаад байгаа.
Тэгвэл Е-монголиа системээр энэ сарын 12-оос бүртгэл эхлүүлснээс хойш өнөөдрийн байдлаар нэгдүгээр ангид суралцахаар 40,036 хүүхэд бүртгэгдсэн байна.
Төрийн өмчийн сургуулийн нэгдүгээр ангийн цахим бүртгэлд 78,461 хүүхэд бүртгэгдэхээс 73,270 хүүхэд бүртгүүлэх боломжтой, 2,131 хүүхэд хянагдаж байгаа, 2,476 хүүхэд түр түдгэлзүүлсэн, 584 хүүхэд бүртгэхээс татгалзсан төлөвтэй байгаа аж.
2024 оны наймдугаар сарын 27-ны 17:00 цагийн байдлаар:
- Бүртгэх боломжтой 73,270 хүүхдээс 40,036 буюу 54.6% нь элсэлт батлагдсан төлөвтэй буюу сургуульдаа бүртгэгдэн баталгаажсан
- 3,150 хүүхэд буюу 4.3% элсэлтээс татгалзсан буюу эцэг эх, асран хамгаалагч нар нь элсэхээс татгалзсан төлөвт
- 30,084 хүүхэд буюу 41.1% нь эцэг эх, асран хамгаалагч нар элсэлтээ эцэслээгүй байна.
Иймд Е-Монголиа системд элсэлтийн хүсэлтээ шийдвэрлэхийг санууллаа.
