Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
ЗГХЭГ-ын дарга Н.Учрал "Төгрөг нуурын орд" нь Ерөнхийлөгч асан Х.Баттулгатай хамааралтай талаар мэдээлсэн. Энэ үеэр тэрбээр "Х.Баттулгыг шалгах асуудалд би О.Алтангэрэл сайдад найдаж байна, харж байгаа" гэдгийг онцолсон. Тэгвэл ЗГХЭГ-ын дарга Н.Учрал "Төгрөг нуурын орд"-той холбоотой баримтуудаа АТГ-т хүргүүлсэн байна.
Энэ талаар Хууль зүй, дотоод хэргийн сайд О.Алтангэрэл "Н.Учрал сайд Засгийн газрын хуралдаан дээр "Төгрөг нуурын орд" газартай холбоотой материалуудыг танилцуулсан. Дээрх үйл баримт хэрэв үнэн бол мөнгө угаахтай холбоотой гэмт хэрэг байж болзошгүй талаар ч ярьсан. Энийг нягталж шалгах үүрэг хаана байдаг вэ гэхээр хууль хяналтын байгууллагад л байгаа. Миний хувьд Н.Учрал сайд материалуудаа АТГ-т шилжүүлсэн гэж ойлгосон. Тэнд холбогдох шалгалтын ажиллагаа хийгдэх байх. Нөгөө талдаа ард түмэн өөрсдөө Үндсэн хуульд заасны дагуу баялаг авах ёстой гэсэн энэ чиг шугам дээрээ хатуу ухрахгүй зарчим дээрээ байгаа. Өнөөдөр Засгийн газраар "Ухаа-Худаг" ордтой холбоотой асуудлыг хэлэлцүүлээд 54 хонож байна. УИХ-д албан тоотоор хүргүүлээд, тогтоолын төсөл өргөн бариад 31 хонож байна. Энэ 31 хоногийн дотор хэзээ, яаж хэлэлцүүлж, чуулган руу оруулах юм бол гээд хүлээж байна.
