Уншигчдын бичсэн сэтгэгдэлд hurts.mn хариуцлага хүлээхгүй болно. Манай
сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл
бичихдээ бусдын эрх ашгийг хүндэтгэн үзнэ үү.
Өчигдөр /2024.05.26/ иргэн "Адилбиш Гунаажавын" цахим хуудастаа "Гахай дархан эрхгүй" гэх тайлбартай, Богдхан уулын ногоон бүсэд цагдаагийн албаны тээврийн хэрэгсэл давуу эрхтэй байрлаж буй бичлэг тавьжээ.
Иргэн уг бичлэгээ устгасан бөгөөд харин ЦЕГ-ын Хэвлэл мэдээллийн төвөөс дараах тайлбарыг хийлээ.
ЦЕГ: Тус "3406 УБА" улсын дугаартай "Nissan Patrol" маркийн албаны тээврийн хэрэгсэл нь 2024 оны 05 дугаар сарын 26-ны өдрийн 08 цагт 102 тусгай дугаарт иргэнээс ирүүлсэн "Богд уулын орой дээр хүн нас барсан байна” гэх дуудлага мэдээллийн дагуу хэргийн газарт үүрэг гүйцэтгэж байсан алба хаагчдын тээврийн хэрэгсэл болно.
Иймд иргэд та бүхэн аливаа мэдээ, мэдээллийг албаны эх сурвалжаас тодруулж, үнэн бодит мэдээллийг олон нийтэд түгээхийг зөвлөж байна.
Иргэн Г.Адилбиш: Дөнгөж сая 88220055 Хан-Уул дүүргийн цагдаагаас ярьж байна. "Та Богд ууланд автомашин байрлууллаа гээд худал мэдээлэл тараажээ. Таныг ирж байцаалт өгөхгүй бол гэрээс чинь очиж байцаалт авна. Та ... компанид ажилладаг юм билээ" гэнэ үү? Юу гэсэн үг юм бэ. Би ямар нэг компанид ажилладаг байж болдоггүй хэрэг үү? Ногоон байгууламжид автомашин байрлуулсан гээд гүтгээд байгаа хэрэг үү? хэмээн цахим хуудастаа хариу тайлбар оруулжээ.
